Во Гостивар над 100 граѓани направиле увид во Избирачкиот список

Јавниот увид на податоците во Избирачкиот список за престојниот референдум  започна на 9 август и трае се до 23 август. Според извештајот на Државната изборна комисија на подрачјето на Гостивар, увид до сега извршиле 110 граѓани. При тоа, за едно лице е донесено решение за запишување во избирачкиот список. До сега нема решенија за бришење или за промена на податоците.

На територијата на цела Македонија, увид во Избирачкиот список извршиле скоро 2.200 граѓани. Донесени се 116 решенија за бришење, 4 за запишување и 4 за промена на податоци.

Избирачкиот список кој се става на јавен увид е со состојба на податоци на граѓаните кои заклучно со 30 септември 2018 станале полнолетни.