Во Гостивар обука за аутизам – родителите и наставниците мора да бидат едуцирани

Стручен тим од дефектолози, психолози и физиотерапевти од Албанија денес во Гостивар ги пренесуваа своите искуства и знаења од областа на аутизмот на родители на деца кои страдаат од ова невролошко нарушување и на вработени во училиштата и градинките. Обуката беше организирана на иницијатива на здружението на лица со посебни потреби „Порака“ од Дебар, со поддршка на гостиварската локална самоуправа.

„Цениме дека е важно да им се излезе во пресрет на родителите и наставниците во поглед на препознавање на аутизмот, методите на работа со децата и слично“, изјави  Беким Аме од Здружението „Порака“

Пред присутните се обрати и градоначалникот на Гостивар, Арбен Таравари кој потенцираше дека обуката е од голема корист за родителите и наставниците. „Проблемот со аутизмот станува се повидлив и ваквите настани овозможуваат да се воведат нови практики кои ќе им помогнат на аутистичните деца“, рече градоначалникот.

Во предавањата и преносот на искуства беа вклучени стручни лица кои работат со оваа категорија на деца во својата земја.