Вести
Во Гостивар одбележан Денот на независноста на Република Македонија
Со свечен собир пред споменикот на паднатите борци во градскиот парк во Гостивар беше одбележат утрешниот празник, 8 Септември. Прославата по повод Денот на независноста на Република Македонија ја организираше Општинскиот одбор на Сојузот на борци од Гостивар. На одбележувањето присуствуваа граѓани, ученици, претставници од политички партии и здруженија.
За важноста на датумот и историската одлука донесена на 8 септември 1991 година, зборуваше претседателот на боречката организаицја, Радислав Гиноски. Во своето обраќање, тој испрати порака дека иднината на Македонија треба да се гради со заеднички сили на сите граѓани и чинители.
„Наша обврска, задача и императив е сложно и заеднички преку нашето единство да продолжиме да ја градиме нашата држава и општетсвото како целина и да го исполниме аманетот на нашите предци кои докажаа како се сака, брани и гради сопствената татковина. Без разлика кои сме, какви сме, и како се викаме и на кој јазик зборуваме, високо да го издигнеме слободарското знаме, знамето на зедништвото и толеранцијата, добрите меѓуетнички односи и заеднички да зачекориме во иднината во интерес на сите нас, а посебно на младите генерации. Имаме потенцијали, високо развиена свест, потребно е само да се впрегнат сите сили, заеднички сложно, Република Македонија да ја внесеме во Европската Унија и Северноатланската Алијанса.“, рече Гиноски.
Букети цвеќе на споменикот на паднатите борци, положија делегации на боречката организација и на гостиварските ограноци на Социјалдемократскиот сојуз на Македонија и на ВМРО ДПМНЕ. Со едноминутно молчење им беше одадена почит на оние кои го положиле својот живот на слободна и независна држава. .
Осми септември како државен празник е неработен ден за сите граѓани на Република Македонија.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар