Во Гостивар одбележан Осми април

Со свечено истакнување на знамето на Ромската заедница пред зградата на општината во Гостивар и интонирање на ромската химна, денес беше одбележан 8-ми април, Светскиот ден на Ромите.

Претставници на ромската заедница по повод денот, беа на прием кај гостиварскиот градоначалник. „Во Гостивар, последните четири години, 8-ми април се слави како никогаш до сега. Секогаш кога доаѓа овој ден велам дека тука се слави повеќе и од општината каде е концентрирано ромското население Шуто Оризари. За тоа сме благодарни на општината и градоначалникот кој има разбирање што значи идентитетот, знамето и химната за еден народ“, изјави Кашмир Салиу, член на Советот на општина Гостивар

            „Пред две годни прв пат го истакнавме знамето на ромската заедница и со тоа сите наши граѓани и Албанци, и Турци, Македонци и други знаат дека 8-ми април е Светски ден на Ромите. Во мое лично име и име на вработените им го честитам празникот на сите Роми“, рече градоначалникот Невзат Бејта.

            По повод Осми април во Гостивар се организира и Ромски бал.