Во Гостивар одбележан Светскиот ден на првата помош

Општинската организација на Црвениот крст од Гостивар го одбележа Светскиот ден на првата помош, со практична презентација на вежби и делење на информативни летоци. Настанот, кој се одржа на градскиот плоштад, имаше за цел запознавање и информирање на граѓаните за основите на давање прва помош.

„Организираме демонстрација како се пружа прва помош и делиме летоци со информативна содржина. Целта е да ја подигнеме свеста кај населението, за важноста на првата помош, затоа што несреќи не се случуваат само во сообраќајот, туку може да ги има насекаде и секој треба да знае како да пружи прва помош, со што се спасуваат и човечки животи“, рече Бурхан Клинче од Црвениот крст Гостивар.

Годинава Светскиот ден на првата помош се одбележува под мотото “Биди херој во твоето училиште и заедница!“.