Во Гостивар откриени петнаесетина неисправни автобуси и комбиња

Во последната контрола над јавните превозници во Гостивар и гостиварско, која полицијата ја спроведе вчера (21 февруари) во периодот од 8 до 13 часот, откриени се петнаесетина неисправни возила.

Како што информира СВР Тетово, со контролата вкупно биле опфатени 76 возила, автобуси, минибуси, комбиња и други, од кои 57 биле упатени на дополнителен технички преглед. При прегледот, кај 11 возила била утврдена техничка неисправност на уредите за запирање, кај две неисправност на други уреди, додека едно имало некомплетна опрема.

„Откриените недостатоци во оваа контрола санкционирани се со 21 прекршочен платен налог, две барања за поведување на прекршочна постапка и со 16 возила исклучени од сообраќај.“, информира полицијата.