Вести
Во Гостивар отворена изложба за животот и делото на Ченто
Во Центарот за култура АСНОМ во Гостивар, денес беше отворена изложбата „Ченто – биографија низ фотографија“ на историчарот Рубин Белчески. Изложбата содржи дваесетина паноа, на кои се прикажани околу 250 фотографии, записи и документи врзани за животот и делото на првиот претседател на Президиумот на АСНОМ.
Како што беше речено на отворањето, целта на изложбата е да се долови животниот пат на Методија Андонов – Ченто, на еден поинаков начин.
„На фотографиите е прикажан животот на Ченто, од неговото раѓање, до неговата смрт“, рече Радислав Ѓиноски, претседател на Сојуз на борци Гостивар.
Авторот објасни дека фотографиите и документите ги собирал повеќе години, истражувал во македонските музеи, институции, приватни архиви, а голема помош имал и од семејството на Ченто. Тој истакна дека планира да објави и публикација – фотомонографија посветена на оваа значајна историска личност од македонската историја.
„Со осамостојувањето на Македонија, почна почесто да се зборува за името на Ченто и поголем број на публицисти, историчари, новинари почнаа да пишуваат за неговите лик и дело. Тоа беше поттик и за мене, и јас да дадам свој придонес во расветлувањето, а пред се` во презентирањето на ликот и делото на Ченто“, рече Белчески.
Изложбата ќе биде поставена во Центарот за култура во Гостивар, десетина дена. Истата до сега е претставена низ сите поголеми градови во Македонија, а со неа лани се одбележаа 115 години од раѓањето и 60 години од смртта на Ченто.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk