Гостивар
Во Гостивар покрај Вардар се гради атрактивен спортско-рекреативен центар
Гостивар ќе добие атрактивен спортско-рекреативен центар покрај Вардар. Работите за изградба се веќе отпочнати. Градежната механизација најпрво го уредува и подготвува теренот, а потоа ќе се пристапи и на вметнување на елементите. Освен вообичаената урбана опрема во шеталиште, како клупи, корпи за отпад, канделабри, предвидени се специјални патеки за стари и лица со посебни потреби, вештачки карпи за качување, други реквизити за вежбање и слично. Подлогата по целата површина ќе биде од посебен вид на гума, во различни бои.
Центарот ќе се протега на кејот од малиот до големиот мост, во должина од скоро половина километар.
Како ќе изгледа може да се види од фотографиите на проектантите.
Инвестицијата е на Општина Гостивар, во рамки на проектот„ Јакнење на општинските совети“, што го спроведе УНДП со финансиска поддршка од Швајцарската агенција за развој и соработка.
„Општина Гостивар минатата година аплицираше и го доби проектот. Се одржаа повеќе форумски сесии со граѓаните за да го слушнеме нивното мислење и предлози и во декември предлогот за вакво уредување на Кејот, беше избран како приоритетен. Ова е една од капиталните инвестиции на општината во оваа година.“, рече Дашмир Османи, координатор на проектот
Работите за изградба на центарот се одолговлечени поради изборите и состојбата со короната, но проценка на надлежните е дека комплетно ќе завршат наесен, односно кон крајот на септември.
Реализацијата на овој проект, кој сигурно ќе ги израдува гостиварци, чини 250 илјади евра. 50 илјади се обезбедени од Швајцарската агенција за развој, додека 200.000 од буџетот на Општина Гостивар.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар