fbpx
Поврзи се со нас

Вести

Во Гостивар по втор пат се организира Бадникова поворка

Објавено

на

Дечињата од Гостивар со пеење на старата коледарска песна „Вечниот Бог“ низ улиците на градот, во петок (6-ти јануари) ќе го најават Христовото раѓање. Поворката во чест на големиот христијански празник Божиќ, во Гостивар се организира по втор пат.

Од гостиварското архиерејско намесништво информираат дека поворката ќе започне од пред црквата „ Пресвета Богородица“ на градскиот плоштад во 12 часот. Ги повикуваат сите заинтересирани дечиња кои сакаат да бидат дел од хорот, да дојдат во Црквата најдоцна до 11.30 часот.

Поворката ќе се движи по главните гостиварски улици и завршува во црквата „Света Петка“ кај железничката станица.

Според традицијата, децата ги симболизираат божјите ангели кои на Бадник го навестуваат раѓањето на Христос. Настанот е организиран од Црквата Пресвета Богородица во Гостивар  со благослов и поддршка на Македонската Православна Црква – Охридска Архиепископија.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!