Култура
Во Гостивар презентиран проект за дигитална библиотека
Фондацијата „Македоника“ пред гостиварци го презентираше проектот за мултикултурна дигитална библиотека, преку кој може да афирмираат младите талентирани автори. Проектот започна месецов, а ќе трае се до мај наредната година. Во тој временски период оние кои творат поезија, проза или драмски текстови може да аплицираат со своите дела за издавање во библиотеката.
„Издавачката комисија на проектот ќе избира по една книга месечно, која ќе биде објавена во бесплатната дигитална библиотека на Фондацијата Македоника. Можност да учествуваат имаат сите млади автори Македонци, Албанци, Турци, Роми и Срби од Република Македонија, регионот и дијаспората. Делата од македонски автори ќе бидат објавени на македонски јазик, а делата на јазикот на етничките заедници ќе бидат објавени двојазично, на мајчиниот јазик на авторите и на македонски јазик.“, објасни Андреа Ичокаева Бундалевска од Фондацијата Македоника.
Презентацијата на проектот се одржа во градската библиотека при Центарот за култура во Гостивар.
„Цениме дека ова е добра активност, една убава можност младите автори од Гостивар да се покажат и докажат и токму затоа го поддржавме проектот и сме домаќини на денешниот настан“, рече директорот на Центарот за култура, Луан Зенки.
Авторот на делото кое ќе биде прогласено за најдобро ќе биде награден со таблет. Во рамките на дигиталната библиотека ќе се организира и социјален форум каде читателите ќе ги коментираат и оценуваат објавените текстови.
Проектот се реализира со финансиска поддршка на Цивика Мобилитас.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар