fbpx
Поврзи се со нас

Вести Гостивар

Во Гостивар презентиран проект за вработување на жени Ромки

Објавено

на

Четириесетина жени од ромска националност од Гостивар, Тетово и Дебар преку обуки во разни компании стекнуваат вештини и знаења за полесно да можат да дојдат до трајно вработување или да научат успешно да водат сопствен бизнис. Обуките се дел од проектот „Зголемување на учеството на жените Ромки на пазарот на трудот“ кој денес во Гостивар го презентираше невладината Месечина. Притоа, учесничките и компаниите кадешто се обучуваат, потпишаа договори за соработка.

„Целта на проектот е зголемување на нивото на вработеност на ромската популација како и развивање на работни вештини на жените Ромки за влез на пазарот на труд“, рече Ѓулфер Точи, претставник од Хуманитарното добротворно здружение Месечина.

За време на тримесечните обуки во фирмите, жените ќе добиваат одреден надоместок, а потоа зависно од потребите можна е и шанса за трајно вработување. Во Гостивар распределени се во медицински установи, фризерски салони, маркети и други фирми.

Проектот е финансиран од Европската Унија преку Секторот за централно финансирање и склучување договори при Министерството за финансии. Планирано е да трае до јуни годинава.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!