Во Гостивар приведени две Молдавки и сопственик на локал

Две странски државјанки и 41 годишен жител на Добридол завршиле во полициската станица во Гостивар, по спроведена акција на полицијата.

МВР информира дека на 29 јуни во 22 часот на подрачјето на СВР Тетово била извршена акциска контрола во угостителски објекти за преземање на мерки со цел откривање на прекршоци по Закон за јавен ред и мир, како и други кривични дела.

„При контрола во угостителскиот објект лоциран на улица ,,Илинденска“, сопственост на лицето Ф.Б. од село Добридол, во ПС Гостивар приведен е сопственикот поради сомнение за нелегално вработување на странски државјани или злоупотреба на туристички престој. Поради пречекорување на туристички престој во ПС-Гостивар приведени се странските државјанки: 42 годишната А.Д. и 17 годишната В.Д. и двете од Молдавија, кои се задржани за понатамошна постапка.“, наведува МВР.