Во Гостивар приведени пет лица за нарушување на јавен ред и мир

Синоќа, околу 1 часот и 30 минути по полноќ, во куќа на улицата „Панче Поповски“ во Гостивар, биле приведени пет албански државјани на возраст од 19, 22, 30, 41 и 43 години поради нарушување на јавниот ред и мир, информира Секторот за внатрешни работи. Албанските државјани немале пријавен престој на подрачјето.

По приведувањето, лицата биле предадени во Отсекот за прекуграничен криминал, миграции, странци и реадмисија за натамошна постапка.

Според податоците од полицијата, во изминатите девет месеци од оваа година, во редовни и акциски контроли, на поширокото полошко подрачје биле откриени вкупно 113 странски државјани, од кои 96 во Тетово и 17 во Гостивар, кои нелегално престојувале и биле ангажирани, најчесто во градежни и земјоделски активности.

Најголемиот број од нив биле од Албанија, а имало и од Косово и Турција.