Во напуштен објект во Гостивар пронајдени украдени уметнички слики, алат и други вредни предмети

Во текот на вчерашниот ден, полициски службеници на Секторот за внатрешни работи Тетово-Полициска станица Гостивар, од 15 до 16 часот, извршиле претрес во објект на улица „Јордан Јордановски“ во Гостивар, во кој времено престојувал 30-годишен жител на Гостивар.

При претресот, реализиран со судска наредба, во објектот се пронајдени предмети кои потекнуваат од повеќе тешки кражби: уметнички слики, разновиден алат и други предмети. Осомничениот е лишен од слобода и задржан во Полициската станица Гостивар, поради сомнение дека е сторител на дваесетина тешки кражби, информираат од полицијата.