Во Гостивар против коронавирус вакцинирани 30-тина деца

Во земјава од 19 јули почна да се аплицираат вакцини против коронавирус и на деца и тоа од 12 години нагоре. Малолетниците, добиваат вакцини само од производителот Фајзер. Оваа вакцина во моментов е единствено дозволена да се користи за деца на посочената возраст.

За имунизација на децата задолжителна е согласност од родителот/старателот, како и негово присуство при примањето.

Во Гостивар до сега вакцина против ковид примиле 30-тина деца.

„Имаше и се‘ уште има заинтересираност за вакцинирање на деца. Сетоа оди со согласност од родителите и нивно присуство. До сега вакцина примиле триесетина деца, поминале добро, не се пријавени некои потешки или сериозни реакции и компликации“, вели д-р Дафина Богданоска одговорна во вакциналниот пункт во Гостивар.

Што се однесува до имунизирањето на возрасната популација, како што веќе информиравме, интересот е особено зголемен во пресрет на воведување одредени ограничувања за невакцинирани и енормен пораст на бројот на новозаразени.