Гостивар
Во Гостивар се одржа свеченост по повод 23 Октомври
Со свечен собир и пригодна културно-уметничка програма, во Гостивар беше одбележан Денот на Македонската револуционерна борба, 23-ти Октомври. Прославата по повод празникот ја организираше Општинскиот одбор на Сојузот на борци, во соработка со ОУ „Гоце Делчев“, а започна со интонирање на државната химна од страна на училишниот хор.
„Во име на Сојузот на борци ви го честитам овој голем и значаен празник од македонската историја. Без разлика кои сме и што сме, заедно да го издигнеме слободарското знаме.“, порача во поздравниот говор, претседателот на гостиварската боречка организација, Радислав Ѓиноски.
За почетоците на организираната револуционерна борба на македонскиот народ, преку реферат потсети професорот по историја Горан Павлоски.
“На 23 октомври 1893 година во куќата на книжарот Иван Хаџи Николов во Солун, шестмина македонски интелектуалци: Христо Татарчев, Даме Груев, Петар Поп Арсов, Иван Хаџи Николов, Антон Димитров и Христо Батанџиев ги поставија темелите на Организацијата со што македонското национално-ослободително движење доби организиран облик. На почетокот наречена Македонски револуционерен комитет, потоа преименувана во ТМОРО, ВМОРО, а најмногу позната како ВМРО. Појавата на револуционерната организација е една од најсветлите пројави во Македонската историја која ја пробудила свеста кај народот дека е достоен да има своја држава. После нејзиното основање револуционерната идеја започнала брзо да се шири помеѓу широките народни маси, пред се` помеѓу прогресивната младина и нивните професори кои стануваат `рбетот на организацијата.“, подвлече Павлоски.
Културно-уметничкиот дел од настанот го исполнија учениците од основното училиште “Гоце Делчев“, со програма подготвена под менторство на наставниците.
На прославата присуствуваа членови на боречката организација, ученици, наставници и претставници од политичките партии од Гостивар.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар