Гостивар
Во Гостивар се одржа трибина на тема „Дрогата, зло на новата генерација“
Под мотото „Биди ИН, биди информиран, кажи НЕ“ вчеравечер во Гостивар се одржа трибина посветена на опасностите и последиците од користењето на дрога. Стручни лица пред присутните зборуваа за штетното влијание на наркотичните средства, каде и како една личност може да се побара помош, за да го надмине проблемот, која е улогата на семејството во борбата против ова зло и слично.
Настанот го организираше Канцеларијата за комуникација со граѓани на пратеничката од ВМРО ДПМНЕ, Дафина Стојаноска.
„Ја организираме трибината, затоа што сметавме дека е добро да се потсетиме на оваа тема, да предупредиме на опасностите, да позборуваме какво е ова зло на денешницата. Важно е да се говори за овие проблеми, на кои политичките партии некако како да забораваат. Како да прифативме дека дрогата е тука меѓу нас, а всушност треба сите млади, родители, наставници да се обидеме да се ангажираме, да помогнеме и на оние коишто веќе се заглавени со овој проблем, но и тие што се во искушение“, изјави Стојаноска.
Психологот Слаѓана Анѓелкоска подвлече дека за превенирање и справување со дрогата, важна е информираноста и отворената комуникација на релација родител-дете.
„Младите и родителите мора да бидат добро информирани за тоа кои се опасностите од злоупотреба на дрога, какви последици демнат по психолошкото и физичкото здравје и да се подигне свеста за важноста на превенцијата. Секако, неопходно е родителите од најмала возраст отворено да комуницираат со децата на оваа тема и да им ги даваат потребните совети и поддршка“, рече Анѓелкоска.
На трибината свое обраќање имаа и Габриела Нанковска, криминалист и Славица Тренгоска од невладината ХЕЛП.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk