Во Гостивар се пријавени 6.711 невработени – регионот е на петто место во земјава

Со вкупна бројка од 6.711 евидентирани невработени лица, гостиварскиот регион се наоѓа на петто место во земјава по невработеност. Пред Гостивар се: град Скопје (18.347), Прилеп (7.084), Куманово (11.746) и Тетово (13.256).

Според податоците од Агенцијата за вработување, најбројни меѓу невработените во гостиварско се лицата со основно или без образование, кои ги има 4.120. Со непотполно средно има 368, со средно образование 1.639, со вишо 39. Како невработени се водат 498 граѓани кои завршиле факултет, како и 47 магистри.

Од вкупниот број на невработени регистрирани во Центарот за вработување Гостивар, 3.043 се од женски пол. Што се однесува до националната припадност, 1.463 се Македонци, 3.575-Албанци, 705-Турци, 553-Роми и други.

Вкупната бројка на невработени лица во земјава, заклучно со 30 април изнесува 103.083.