Гостивар
Во Гостивар се врши дезинфекција на згради по барање на граѓани
Во период на повисок ризик од ширење на коронавирусот, екипи на Јавното претпријатие за паркинзи и зеленило во Гостивар вршат дезинфекција на колективните згради, со специјално средство за таа намена. За разлика од првата фаза на дезинфицирање, која се спроведе на почетокот на пандемијата и со која беа опфатени поголемиот дел од зградите, овојпат се прска во објектите каде граѓаните бараат. Обично се работи за згради во кои има потврден заразен пациент, а со цел да се заштитат останатите станари.
„Поради зголемувањето на бројот на заразени со коронавирус, да се намали ризикот, повторно вршиме дезинфекција на колективните згради. Овојпат тоа го правиме на барање на граѓаните. Оние кои се заинтересирани, треба да се обратат во нашето претпријатие со барање и наша екипа истиот ден или најдоцна утредента излегува на терен и спроведува дезинфекција“, вели Беким Челебиу, директор на ЈП за паркизни и зеленило.
Со оглед дека во колективните згради има од 20 до 40 станови, семејствата користат ист влез, ходник, лифтови или скали, темелната дезинфекција на објектите е добредојдена за заштита од ширење на коронавирусот.
Од претпријатието објаснуваат дека средството што го користат, испарува за 15-тина минути и не носи никаква штета за луѓето.
Освен тоа, од паркинзи и зеленило, следниот период ќе направат дезинфекција и долж шеталиштето на Вардар, кое важи за омилено место за прошетка и релаксација на гостиварци во летниот период. Прскањето на Кејот ќе се спроведе со специјална машина, што фирмата ја добила како донација.
Просториите на ЈП за паркинзи и зеленило се наоѓаат до „Комуналец“.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар