Во Гостивар уапсени повеќе лица поради дрога

Изминатите две вечери гостиварската полиција привела повеќе лица, кај кои биле пронајдени наркотици.

На 30 декември околу 22.20 часот во гостиварското село Здуње, полициски службеници на СВР Тетово – Полициска станица Гостивар лишиле од слобода 24-годишен жител на истото село, затоа што при преглед кај него е пронајден кокаин. Тој бил задржан во полициска станица и по целосното документирање на случајот ќе му биде изготвен соодветен поднесок.

На 31 декември во 22.45 часот на ул.„Седек Костоски“ во Гостивар, полициски службеници лишиле од слобода 20 годишник од Здуње, 21 годишник од Дебреше и 19 годишник од Чегране, гостиварско, затоа што при извршен преглед кај нив била пронајдена марихуана. По целосно документирање на случајот, против нив ќе биде поднесен соодветен поднесок, информира МВР.