Во Гостивар утрово снежни врнежи и студ

Средината на февруари на гостиварското подрачје донесе снежни врнежи со послаб интензитет и пад на температурата. Според метеоролошките прогнози во текот на денот времето ќе биде променливо облачно со повремени врнежи, на планините и на некои повисоки места од снег, а во пониските од дожд, кои повремено ќе преминуваат во снег.

-Ќе дува слаб до умерен, уште од претпладне, долж Повардарието повремено засилен ветер од северен правец. Слаб снег ќе има понекаде во планинските региони. Минималната температура ќе биде во интервал од -1 до 5, а максималната ќе достигне од 3 до 9 степени, соопшти Управата за хидрометеоролошки работи.

Според прогнозата на УХМР, во наредните денови ќе биде облачно со повремени врнежи, на планините и на некои повисоки места од снег, а во пониските од дожд, но со услови врнежите повремено да преминуваат во снег.

-Ќе дува умерен до засилен северен ветер. Од вторник облачноста ќе се намалува, а од среда времето ќе биде претежно сончево со ниски утрински температури, информира УХМР.