Во Гостивар, Врапчиште и Маврово Ростуше гласањето започна навреме

Во трите општини од поширокиот гостиварски регион, Гостивар, Врапчиште и Маврово Ростуше, утрово гласањето за Референдумот започна навреме. Општинските изборни комисии потврдија дека сите избирачки места биле отворени во 7 часот и процесот на гласање до сега се одвива без проблеми.

На подрачјето на општина Гостивар право на глас имаат вкупно 79.160 граѓани, а гласањето се спроведува на 121 избирачко место. На територијата на општина Врапчиште има 25.454 гласачи, кои може да го остварат правото на глас на 39 избирачки места, додека во Маврово-Ростуше вупниот број на гласачи изнесува 9.672, со исто така 39 избирачки места.