Во Гостивар за 6 часа санкционирани 52 возачи на мотоцикли

Денеска (24.05.2022) во периодот од 14.00 до 20.00 часот спроведена е зајакната акциска контрола на територијата на ОВР Гостивар за санкционирање на прекршоци што ги прават возачите на мотоцикли, при што санкционирани се 52 возачи, информира Секторот за односи со јавност и протокол при МВР.

Од нив, 32 возачи не користеле заштитна кацига за време на возење, пет возеле без возачка дозвола, два мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.

Засилените акциски контроли продолжуваат и во наредните денови. Од полицијата апелираат сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.