Во Гостивар за гласање пријавени 268 болни и немоќни и 3 лица во домашен притвор

Општинската изборна комисија на Гостивар ги заокружува подготовките за спроведување на вториот круг од Локалните избори 2021. Денес се дистрибуираат избирачките материјали до избирачките одбори, а се спроведува и гласањето на болни, лица во карантин поради ковид и во домашен притвор. Според информациите од ОИК, во Гостивар за гласање пријавени се 268 болни и немоќни, како и три лица кои се наоѓаат во домашен притвор. Гласачи во изолација нема.

Право на глас на Локалните избори во Општина Гостивар имаат 81.083 граѓани. Гласањето ќе се спроведува на 121 избирачко место. Во избирачкиот список на Општина Врапчиште запишани се 26.383 граѓани, кои се распоредени за гласање на 39 избирачки места.