fbpx
Поврзи се со нас

Вести

​Во Гостивар за сега нема многу заболени од грип

Објавено

на

Настинки, вирози и инфекции на горните дишни органи, очекувано за овој период од годината, ги полнат лекарските амбуланти во Гостивар. Добрата вест е што вирусот на грип не е раширен меѓу гостиварци. Состојбата со ова заболување сега за сега е стабилна и бројот на заразени е мал. Според податоците од Епидемиолошкото одделение во Гостивар, грип фатиле четириесетина граѓани, бројка што не е загрижувачка.​„Првите пациенти со грип во гостиварскиот регион беа регистрирани во октомври. Во текот на месецов има нови заболени, но со оглед на тоа дека се работи за малку случаи може да констатираме дека вирусот нема заземено помасовна форма“, информира прим. д-р Војислав Огњаноски, епидемиолог.

​Сезонава со вакцинација против грип беа опфатени 1.100 гостиварци, главно постари и хронично болни лица со цел да се спречат посериозни компликации што може да ги предизвика заболувањето.

​За подобар имунитет и заштита од вируси лекарите советуваат повеќе овошје и зеленчук во исхраната, проветрување на просториите кадешто се престојува подолго време, високо ниво на лична хигиена и пиење на поголеми количини безалкохолни пијалоци.
​Минатата година од грип на гостиварското подрачје заболеа околу 1.500 граѓани.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!