Во гостиварската гимназија обновени 6 училници кои биле во лоша состојба

Во средното општинско училиште гимназија во Гостивар, најновата инвестиција која е направена е реновирање на шест училници. По тој повод денес во посета на училиштето беше градоначалникот на Гостивар, Ваљбон Лимани, кој заедно со училишната управа направија обиколка низ просториите.

„Увидовме дека овие шест училници се наоѓаат во многу лоша состојба и дека е неопохдно да се реновираат. Во соработка со градоначалникот заедно успеавме да ги реконструираме и да овозможиме добри услови и да добијат нов лик. Ќе продолжиме во иста насока, да работиме на подобрување на условите за учениците и кадарот“, рече директорот на гимназијата, Мирсад Исеини.

Зафатите се реализирани со средства од Општина Гостивар и донации.

„Денес сме во гимназијата за да ги видиме инвестициите кои се реализирани во училиштето во овој период, односно реновирањето на шест училници. Исто така, гледаме дека има позитивни промени и во дворната површина, односно поголем дел што беше бетонизиран сега е со зеленило. Со тоа сакаме да испратиме јасна порака дека наш фокус ќе биде да има што повеќе зелени површини низ училиштата“, изјави Лимани.

При посетата се разговарало и за идни проекти и зафати за кои гимназијата има потреба.