Во гостиварскиот парк ќе се прави катче за рекреација

Граѓаните кои практикуваат физичка активност и спортуваат, летово ќе имаат можност тоа да го прават на отворено, во посебно катче за рекреација. Катчето ќе биде лоцирано во големиот градски парк во Гостивар. Како што информираат од гостиварското Јавно претпријатие за зеленило, планирано е да се монтираат повеќе спортски реквизити од кои најголемиот дел ќе бидат наменети за возрасните. Ова ќе биде прва локација од ваков вид во градот, со оглед на тоа што до сега се уредувале само игралишта и простори со реквизити за децата како лулашки, лизгалки и слично.

Голем дел од гостиварци имаат навика да го користат Кејот на Вардар за пешачење, трчање, возење на велосипеди, ролерки и други рекреативни активности. Катчето за сите нив ќе биде добредојдено.