Во изминативе 24 часа во Гостивар регистрирани 30 нови случаи на КОВИД-19, во земјава 679

Согласно податоците од Институтот за јавно здравје во последните 24 часа направени се 1 537 тестови, а регистрирани се 679 случаи на КОВИД-19, од кои 130 се реинфекции. Регистрирани се 291 оздравен пациент, нема пријавено починати лица. Во моментов се активни вкупно 4.379 случаи на коронавирусот, информира Министерството за здравство.

Од вкупниот број новозаболени, 237 се од Скопје,  Битола – 59, Oхрид – 38, Кавадарци – 37, Куманово – 35, Гостивар – 30,  Тетово  – 28, Прилеп –  24, Кочани – 17, Струмица, Берово, Струга и Велес – по 13, Гевгелија– 12,Штип – 11, Неготино и Радовиш – по 10, Кичево,  Ресен, Делчево, Виница и Кратово  – по 5, Крива Паланка – 4, Валандово – 3, Свети Николе, Дебар и Крушево – по 2, Пробиштип, Богданци, Демир Хисар, Македонски Брод и Демир Капија – по 1.

Досега во земјата се направени вкупно 2.130.248 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 332.667, бројот на оздравени пациенти е 318.890, на починати е 9.398.