Во контрола низ Гостивар фатени алкохолизирани и возачи без дозвола

Изминатиот викенд, полицијата на гостиварското и на тетеовското подрачје спроведе акциска контрола за откривање на возачи под дејство на алкохол.

При контролата вкупно биле фатени 13 алкохолизирани возачи од кои 9 во Тетово и четворица во Гостивар. Тие биле исклучени од сообраќај, а возачките дозволи им биле времено одземени.

Вчера, во рамките на засилените сообраќајно-контролни  контролни активности биле откриени 14 лица ( Тетово-10 и Гостивар-4 ) кои ги управувале возилата без положен возачки испит и тројца возачи-почетници кои не се придржувале на законските ограничувања.

На сите им се изготвени соодветни поднесоци и ќе се соочат со законски предвидените парични глоби, соопшти СВР Тетово.

Викендов биле откриени и законски санкционирани и 27 други видови прекршоци, од кои 15 на тетовоското и 12 на гостиварското подрачје.