Во Македонија лани се случиле 32 убиства

Според податоците на Државниот завод за статистика, минатата година во земјава 421 лицe умрело од насилна смрт. Во оваа категорија спаѓаат:несреќни случаи, сообраќајки, убиства, самоубиства. ДЗС пресмета дека бројот на починати лица од насилна смрт е намален за 15.3 % во однос на претходната година. Умрените од насилна смрт во вкупниот морталитет учествуваат со 2.1 %. Според полот повеќе има машки лица, и тоа 75.1 %.

Лани во Македонија се случиле вкупно 32 убиства на 23 машки и 9 женски лица. Најголемиот дел од нив биле извршени со огнено оружје.

Самоубиства имало вкупно 111 и тоа 79 мажи и 32 припаднички на женски пол.