Гостивар

Во Маврово и Ростуше учебната година започна според предвиденото

Објавено

пред 4 години

на

01/10/2020

Од

Gostivarpress.mk

Денеска навреме започна школската учебна година за учениците од општина Маврово и Ростуше.

Градоначалникот Медат Куртовски, ги посети сите основни училишта во 0пштината, посакувајќи им на учениците успешна учебна година и што побрзо враќање на сите ученици во школските клупи.

„На сите првачиња, кои за прв пат седнаа во училишните клупи, им посакувам пред се многу здравје, успешен училишен старт во деветгодишниот образовен маратон кој им започна денес, во малку поинакви услови од претходните“, честиташе градоначалникот.

Во основните училишта во Општина Маврово и Ростуше, започна новата учебна година за учениците до трето одделение со физичко присуство на следење на наставата. Воспитно образовниот процес во сите училишта каде се одвива настава со физичко присуство започна со претходна дезинфекција на рацете, обувките како и мерење на телесна температура на сите ученици, како дел од протоколите за успешна и безбедна реализација на наставата во услови на Ковид-19, информираа од општината.

Наставата во општинските основни и подрачни училишта се одвива спроред одредениот начин на МОН.

ОУ Блаже Конески – Скудриње наставата до трето одделение ќе се одвива со физичко присуство, додека од четворто до деветто одделение ќе се одвива преку онлајн настава. Додека во подрачните училишта во с. Присојница и с.Аџиевци настава со физичко присуство ќе следат учениците од прво до петто одделение.

Наставата во ОУ – Хајан Селмани до петто одделение ќе се одвива со физичко присуство на учениците, додека од шесто до деветто одделение ќе се одвива преку онлајн настава. Додека во подрачните училишта во с. Требиште настава со физичко присуство ќе следат од прво до деветто одделение.

Во с.Велебрдо и с.Јанче настава со физичко присуство ќе следат учениците од прво до петто одделение.

Наставата во ОУ – Јосип Броз Тито Жировница од прво до петто одделение ќе се одвива со физичко присуство на учениците, додека учениците од шесто до деветто одделение ќе се одвива преку онлајн настава. Додека во подрачните училишта во с. Врбјани и с. Сенце наставата ќе се одвива со физичко присуство на сите ученици.

Наставата во ОУ – Денче Дејаноски Маврово и подрачните училишта во с. Врбен и с. Нистрово наставата ќе се одвива со физичко присуство на сите ученици.

Советот на Општина Маврово и Ростуше на 45-та седница, на барање на директорите на општинските основни и средни училишта, кои претходно ги обезбедија сите неопходни услови во сите училишни згради за оддржување на настава со физичко присуство на учениците, како и со добиени позитивни мислења за условите во училишните објекти за оддржување на настава со физичко присуство на учениците, од Државниот просветен и Државниот санитарен инспекторат.

Сподели ја веста:

Поврзани теми:

Следнo

Американскиот претседател Трамп и првата дама се заразени со корона

Не пропуштај

Гостивар со три оздравени и без нов случај на ковид, во Македонија 162 новозаразени