Во Маврово на 20 и 21 јули ќе се одржи „ЦАЦИБ Маврово 2018“

На 20 и 21 јули во прекрасното Маврово ќе се одржи 10-та меѓународна ЦАЦИБ изложба на расни кучиња, 5-та по ред во Маврово „ЦАЦИБ Маврово 2018“.

Настанот е во организација на Кинелошкото друштво Скардус од Гостивар, а во соработка со Кинелошкиот сојуз на Р.Македонија. На изложбата ќе учествуваат излагачи на кучиња од 13 земји. Судии на годинешната изложба ќе бидат: Горан Дојчиноски, Слободан Милошевски, Митко Илкановски сите од Македонија и Адриано Кандиас од Р. Србија.

Настанот е организиран два дена. Во петок со почеток од 16 до 19 часот и во сабота од 1о до 13 часот. Петок вечер за сите учесници е организирана забава во Гламур во Маврово.

Кинелошкото друштво Скардус од Гостивар, постои од 1996 година и е едно од најреспектабилните кинолошки друштва во државава. Со многу учества на кинолошки манифестации низ светот.

Организаторот ги повикува сите љубители на кучиња да дојдат во Маврово на дружење, забава и промоција на убавината на кучето.