Во Маврово Ростуше од 5.042 граѓани, 1.073 се во графата „други неспомнати“ за националност

Според податоците од Пописот 2021, кои беа објавени денес, во Општина Маврово Ростуше живеат 5.042 граѓани. Она што паѓа во очи во статистиката за оваа општина е големата бројка на лица кои според националноста се наоѓаат во графата „други неспомнати“ , а ги има вкупно 1.073. За споредба, Охрид и Струга со околу 51.000 илјада население, во таа графа имаат од 2.000 до 2.400 лица.

Најголем дел од попишаното население во Маврово Ростуше се изјасниле како Турци (1.555) и Македонци (1.474) , потоа 470 како Албанци, 35 Бошњаци, 6 Срби, 3 Роми, 2 Власи, 18 не се изјасниле и 1 непознато.