Гостивар
Во недела во Стенче осветување на црквата Св. великомаченица Екатерина
Свечен чин на радост на сите верници, претстои во полошкото село Стечне. Во недела на 18 септември, во селото ќе се изврши осветување на црквата Света великомаченица Екатерина.
Чинот на осветувањето ќе започне во 8,00 часот, а со него ќе чиноначалствува Митрополитот Тетовско-гостиварски г.Јосиф, во сослужение на повеќе свештенослужители од тетовското архиерејско намесништво и од Милетинската парохија, по што ќе следува и свечена литургија. Настанот ќе заврши согласно верските традиции со свечена трпеза на љубовта.
Ден претходно, на 17 септември во сабота, од 17 часот ќе се отслужи вечерна богослужба и ќе се изврши водосвет, по што ќе следува култрурно уметничка програма.
Изградбата на црквата која единствена во Македонија го носи името на Света Екатерина започна во 2013 година, кога е осветен камен-темелникот од страна на тогашниот митрополит Полошко-кумановски Кирил. Се наоѓа над самото село, на ридот Чука спроти Стенчевската тврдина и е четврта црква која го краси ова село од Горни Полог.
Црковниот одбор на село Стенче и парохискиот свештеник протореј Ненад Ѓорѓески ги повикуваат сите верници да присуствуваат на овој величествен чин.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар