Во ноември над 1.000 сообраќајни прекршоци на гостиварското подрачје

Минатиот месец на гостиварското подрачје полицијата вкупно контролирала 2.246 возила и открила 1.053 сообраќајни прекршоци.

Од сообраќај биле исклучени 105 возила (45 технички неисправни, 50 со истечена регистрација, 6 со претовар, а преостанатите поради други недостатоци).  Исклучени биле и 135 возачи (95 без положен возачки испит, 29 почетници, 13 кои управувале под дејство на алкохол и др.).

Во ноември во гостиварско регистрирани се 13 сообраќајни несреќи, од кои 8 во населено место и 5 на отворен пат. Во нив нема загинати и тешко повредени лица. Пет несреќи завршиле со исто толку лесно повредени лица, додека во 8 причинета е само материјална штета.

Според евиденцијата на полицијата, најчести причини за сообраќајките се неприлагодена брзина според условите на патот, неправилно вршење дејствие и непочитување првенство на минување.

Откриените прекршоци во ноември биле заокружени со 262 прекршочни, 448 мандатни платни налози, 30 писмени опомени и со 185 впишувања на негативни бодови.