„Во „Обнова“ посветуваме многу труд и време за културата“, изјави Дафина Стојаноска, носител на листа од ВМРО ДПМНЕ

Носителката на листата во ИЕ 6 од Коалицијата „Обнова на Македонија“ предводена од ВМРО ДПМНЕ, Дафина Стојаноска, во денешното обраќање во рамки на предизборната кампања стави акцент на културата.

„Од пред Националната установа за култура во Гостивар денес истакнувам дека културата е многу значаен фактор за идентитетот и развојот на секоја држава. ВМРО-ДПМНЕ во програмата “Обнова” има посветено доста труд и време токму за културата.  Наши културни приоритети се:
– културниот идентитет
– културното наследство
– уметничкото наследство
– културните работници
– културните и креативни индустрии
– меѓународната културна соработка
– инфраструктура 2020-2030.

Исто така, од акцизите за нафта и нафтени деривати, кои СДС двапати ги покачи за време на својот тригодишен мандат, Владата на ВМРО-ДПМНЕ ќе издвојува денар за спортот и денар за културата, што ќе значи сериозна придобивка за овие две гранки, кои и тоа како се битни за обнова на Македонија. На 15-ти јули заокружете го бројот 14, за да имаме повеќе за секого, но и повеќе за културата во Македонија.“, нагласи Стојаноска.