Во Општина Гостивар 2 новозаболени, во земјава 67 нови случаи на коронавирус

Потврдени се два нови случаи на коронавирус на подрачјето на Општина Гостивар, додека во Македонија има 67 новозаболени.

Министерот за здравство, Венко Филипче на прес конференција информира дека во изминатото деноноќие биле извршени 868 тестирања, 67 се позитивни, има 25 оздравени пациенти и еден починат. Министерот рече дека се уште се чекаат податоци од тестирања во приватна клиника, по што ќе има детален преглед за новозаболените.

Според информациите од гостиварските медицински служби, новите позитивни случаи во Општина Гостивар се брачен пар, имаат полесни симптоми и се третираат на инфективното одделение во гостиварската болница. Со оглед дека се вработени во јавни установи во Гостивар и Тетово, таму се вршат епидемиолошки анализи и согласно протоколите во самоизолација се испраќаат лица со кои имале контакти што спаѓаат под ризични.