Во општините Гостивар, Врапчиште и М. Ростуше активно болни се 48 лица, денес нови 4 случаи

Меѓуопштинскиот Кризен штаб денес на редовен состанок ја разгледа состојбата со коронавирусот на подрачјето на општините Гостивар, Врапчиште и Маврово Ростуше. Според изнесените податоци на состанокот, денес се регистрирани вкупно 4 нови случаи, од кои 3 во Општина Гостивар и 1 во Општина Врапчиште.

Моментално активно болни се вкупно 48 лица, од кои 29 во О.Гостивар, 15 во О.Врапчиште и 4 во М.Ростуше. Од почетокот на пандемијата до сега биле направени 605 тестирања за ковид.

„Споредено со останатите региони, бројката на заболени во гостиварско е помала. Во периодот што следува треба да продолжиме, сите институции да се ангажираме и да укажуваме граѓаните да ги почитуваат мерките и препораките. Ова е особено важно, со оглед дека ќе се спроведува кампања за изборите со што се зголемува и ризикот. Исто така, во очекуваме доаѓање на иселениците, па планираме преку едукативни и информативни материјали и нив да ги потсетиме на неопходните мерки за заштита од ковид“, рече градоначалникот на Гостивар, Арбен Таравари.

На инфективното одделение во гостиварската болница хоспитализирани се девет пациенти, кои се наоѓаат во стабилна здравствена состојба.