Гостивар
Во основните училишта во Гостивар започна уписот на првачиња
Од денес (4 мај) официјално започна уписот на деца во прво одделение. Запишување на првачиња што ќе се спроведува во текот на целиот месец мај, годинава има неколку новини. Документите за упис, освен директно во училиштата, може да се поднесуваат и електронски, преку системот e-uslugi.gov.mk. Исто така, новина е што покрај вообичаените потврди и лична документација, (извод од матична книга на родени, копија од лична карта на еден од родителите, потврда за примени вакцини, потврда за стоматолошки преглед) годинава треба да се достави и потврда за извршен очен преглед.
Основните училишта во Гостивар ги отворија вратите за првоодделенците и се подготвени да ги спроведат уписите.
„По продолжениот викенд, денес официјално започна уписот во прво одделение. Од оваа година новина е што родителите треба да достават и потврда од офталмолог, а со оглед дека претходно не беа известени за ова, може потврдата да ја донесат и дополнително, најдоцна до почеток на новата учебна година. Уписот може да се направи директно во училиштето или онлајн, а документите ги разгледува посебна комисија. Родителите имаат навика да доаѓаат лично во училиште со децата за запишување, и секако треба време за да се создаде нова навика, па како ќе биде сега, ќе видиме“, рече Шпреса Усеини, директорка на ОУ „Исмаил Ќемали“ во Гостивар, каде во централното училиште ќе се формираат четири паралелки со првачиња.
Училиштата се должни да ја почитуваат и одлуката за реонизација, што ја донесе Советот на општина Гостивар на последната седница. Со неа е определено кое дете во кое училиште треба да тргне во прво одделение, според местото на живеење. Реонизацијата е со цел да има порамномерна распределба на ученици.
Во прво одделение во новата учебна година се запишуваат деца родени во 2015-та година. По барање на родителот, може да се запишат и деца кои ќе полнат 6 до 31 јануари 2022, но со добиено мислење од педагог и психолог од училиштето.
Уписите со доаѓање во училиштата ќе се одвиваат со посебен протокол за заштита од коронавирус. Задолжително е носење маски, одржување на растојание од два метри, дезинфекција, проветрување на просторијата за разговор и слично.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар