Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 31/10/2018 | 10:57

Во петок во Гостивар премиера на Вртлог-претстава посветена на борбата против ХИВ

Во Центарот за култура АСНОМ во Гостивар во петок навечер (2 ноември), премиерно ќе биде изведена драмската претстава „Вртлог“. Претставата, во која игра актерска екипа од Театар Дунек е посветена на борбата против ХИВ/СИДА и пренесува порака до младите да се информираат и да водат сметка за своето сексуално здравје.

Драмата се реализира на иницијатива на невладината ХЕЛП од Гостивар, а со поддршка на ХЕРА. „Сакаме на сликовит и интересен начин, да ги едуцираме младите за ризикот, опасностите и начинот на заштита од ХИВ. Нашите истражувања покажаа дека тие не се доволно информирани на оваа тема и токму затоа ја покренавме иницијативата за ваков проект“, велат од ХЕЛП.

Во претставата учествуваат: Нинослав Нанков, Ивана Мерџаноска, Константина Ѓурковиќ, Филип Маџоски, Теодора Волческа, Ана Синадиноска, Виктор Анѓелкоски, Војкан Михајлоски и Тома Стојаноски. Режијата и сценариото се на Ѓорѓи Нешкоски.

Премиерата е закажана со почеток во 20 часот.

Напишете коментар