Поврзи се со нас

Вести Гостивар

Во петок во Гостивар се игра ,,Чернодрински се враќа дома“ од Горан Стефановски

Петочната вечер ќе биде празник за љубителите на театарот во Гостивар. На сцената на Ценатрот за култура „АСНОМ“ ќе биде поставена драмата ,,Чернодрински се враќа дома“ од Горан Стефановски, дипломска претстава на класата на професор Рубенс Муратовски.

Улогите во претставата ги играат: гостиварецот Марко Дојоски, Моника Ставревска, Дарко Карбески, Емилија Петрова, Мартин Минговски и Мишо Димитријевски.

“Најстрашни се оние времиња кога самиот дом се претвора во туѓина, во џенем, во јабана. Кога човек е на своето огниште а саштисан и отуѓен како змија да го полазила.Кога е внатрешно раселено лице. Кога ,,т’гата,, не е поради отсуство туку поради присуство. Кога седи среди куќи, а не може да си ја препознае домата. На друго место, други места, ДОМА…”, стои во мислата на великанот на македонската драматургија, Горан Стефановски.

Дозволете си 75 минутно театарско уживање! Претставата започнува во 20 часот, а влезниците чинат 100 денари.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!