fbpx
Поврзи се со нас

Гостивар

Во подготовка е долгорочен план за управување со дивокозите во НП Маврово

Објавено

на

    Националниот парк Маврово изготвува долгорочен план за управување со дивите кози. На работилница што се одржа деновиве во Маврово се дискутираше за значењето на дивокозата и нејзината бројност на територијата на националниот парк. Во подготовката на планот учествува бугарскиот експерт Костадин Валчев кој во текот на февруари ќе престојува во паркот за да се запознае подетално со теренските прилики и живеалишта на дивата коза.

    Целта на сите овие активности е да се создаваат услови за заштита на дивата коза, да се намалат заканите и ризиците по ова животно, рече директорот на НП Самир Ајдини.

    Балканската дивокоза припаѓа на класата цицачи, во редот на парнокопитари. Може да достигне висина до 80 cm, а должина до 130 cm. Некои мажјаци достигнуваат тежина и до 40 kg, додека женките се помали и со помала тежина. Се храни со тревести растенија, млади листови од високо планински грмушки, капини и малини. Животниот век им е до 20 години.

    На подрачјето на Националиот парк Маврово 15-тина години се спроведува проект за закрепнување на балканскиот рис, кој до сега дава позитивни ефекти за заштита на критично загрозениот вид на рис. Активностите се насочени кон прогласување на нови заштитени подрачја, ефективност на веќе постоечките, законска регулатива значајна за рисот, едукација на локално население, истражување и мониторинг, одржлив лов и борба против криволовот.

     

    Advertisement
    Advertisement
    Advertisement
    Advertisement
    Advertisement
    Advertisement

    АНКЕТА

    Дали ќе одите на летен одмор?

    Вработувања Полог:

    Advertisement
    Advertisement

    Популарно изминативе 100 дена

    error: Содржината е сопственост на Gostivarpess.mk!