fbpx
Поврзи се со нас

Македонија

Во понеделник 3.000 граѓани ќе примат вакцина Спутник во салата „Борис Трајковски“ во Скопје

Објавено

на

Процесот на масовна вакцинација ќе започне во понеделник во Арената „Борис Трајковски“, каде е планирано да се вакцинираат нешто помалку од 3.000 граѓани“, најави денес министерот за здравство, Венко Филипче.

Како што истакна министерот на овој пункт, вакцинацијата ќе се одвива со руската Спутник, а ќе бидат опфатени вработени во МВР, АРМ, во јавни служби кои имаат голем број на контакти, новинари и другите групи, согласно Националниот план за имунизација.

„Околу 4000 луѓе на ден во просек ќе се вакцинираат вкупно на сите пунктови низ државата, вклучувајќи го овој пункт за вакцинација. Благодарност до менаџментот на Салата Борис Трајковски посебно на компанијата А1 коишто ги ставија на располагање сите капацитети во смисла на тоа да се обезбеди бесплатно пристап до интернет, технички ги опремија пунктовите со лаптопи, принтери итн. Апелирам граѓаните активно да се вклучат во процесот на вакцинација затоа што тоа е единствен начин да го победиме вирусот и да се вратиме на нашите нормални навики.“, рече Филипче.

Во спортскиот центар денес се одржа симулација на текот на спроведување на вакцинирањето со сите тимови. Граѓаните најпрво ќе влезат кај тимовите на Црвениот Крст, ќе одговорат на неколку прашања и ќе ја потпишат согласноста, по што преминуваат во еден од параваните за да ја примат вакцината. По вакцинирањето остануваат во салата уште 15-тина минути на опсервација.

Advertisement
Advertisement
Advertisement
Advertisement

Вработувања Полог:

Advertisement

Популарно изминативе 100 дена

error: Содржината е сопственост на Gostivarpess.mk!