Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 13/04/2019 | 10:38

Во понеделник Хуманитарна модна ревија во Гостивар на основци и средношколци

Под мотото “Креираме модели за хумани цели!“ во понеделник во Центарот за култура во Гостивар, ќе се одржи Хуманитарна модна ревија во која ќе учествуваат основци и средношколци од гостиварские училишта.

Учениците ќе носат рачно изработени модели, направени од рециклирачки материјали.

„Драго ми е што меѓу најмладите гледам желба за креација, иновативност и ентузијазам за соработка меѓу себе. Секое училиште работи на своја тема, но иако темите се различни, целта е иста – да рециклираме, креираме и сите заедно да помагаме. За да ја оствариме целта, ни треба помош и поддршка, затоа ги покануваме гостиварци во што поголем број да присуствуваат на настанот“, вели Ангела Анѓелкоска, дисеминатор.

Цената на влезницата е 50 денари и може да се купи во секое училиште и на влезот на Центарот за култура, на денот на настанат. Собраните пари ќе бидат донирани за помош на загрозено семејство.

Модната ревија се организира по втор пат, во рамки на програмата Црвен крст во акција-Промоција на хумани вредности. Настанот почнува во 19 часот.

Напишете коментар