Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 02/11/2018 | 17:41

Во понеделник во Гостивар изложба на Дана Крстеска

Во галерискиот простор на Центарот за култура АСНОМ во Гостивар во понеделник (5 ноември) ќе биде отворена ликовната изложба на Даница Дана Крстеска, под наслов „Пат низ времето“.

Изложбата содржи 25 дела, работени лазурно во техника масло на платно. „Идејата за концептот произлегува од секундарната филозофија на она за кое повеќе или помалку сите размислуваме, а тоа е нашата минливост, нашиот пат низ животот и времето. Оваа изложба е всушност ретроспектива на моето творештво во последните две години и чекорење низ мојата уметност, по мојот пат низ времето“, вели авторката.

Според Виолета Кариќ, историчар на уметноста, бројните дела во повеќегодишниот опус на Крстеска според ликовната морфологија се во релација со старите мајстори.

Даница Дана Крстеска е родена 1963 година во Гостивар. Со сликарство активно се занимава повеќе од 20 години. Ова е нејзина трета самостојна изложба, а отворањето е закажано за во 20 часот.

Напишете коментар