Во ПС Гостивар пријава за тешко повредено 7-годишно девојче близу училиште

Седумгодишно девојче со повреди завршило на скопските клиники, откако паднало на чешма во кург на училиштето во селото Топлица.

МВР информира дека вчера (19 април) околу 12.00 часот во Полициската станица Гостивар било пријавено дека во село Топлица, општина Врапчиште, седумгодишна ученичка паднала во кругот на училиштето и се здобила со тешки телесни повреди. Според пријавеното, за време на одмор, обидувајќи се да се напие вода од чешмата во кругот на училиштето, девојчето се лизнало и паднало. По укажаната лекарска помош во болницата во Гостивар, била пренесена во Ургентен центар при комплексот клиники „Мајка Тереза“ во Скопје.

Се преземаат мерки за расчистување на случајот, соопшти МВР.