Во ПС Гостивар приведени 2 мажи и жена фатени со хероин

Вчера (10 мај) околу 15 часот и 30 минути, во атарот на селото Врапчиште, полициски службеници на СВР Тетово лишиле од слобода 39 годишник од гостиварска Долна Бањица, 38-годишна гостиварка и 52 годишен жител на  Врапчиште.

СВР соопшти дека при нивен и преглед на возилото „опел вектра“, со гостиварски регистарски ознаки, им бил пронајден хероин.

Трите лица се задржани во Полициската станица Гостивар и со соодветен поднесок за „неовластено производство и пуштање во промет на наркотични дроги, психотропни супстанци и прекурсори“ денеска (11 април) ќе бидат изведени пред судија на претходна постапка во Основниот суд Гостивар.