Во регион на Гостивар 31 новозаразен со коронавирус, во земјава 1.264

Во денешниот извештај на Институтот за јавно здравје за состојбата со коронавирус во земјава, регистрирани се вкупно 1.264 нови позитивни лица, од направени 3.987 тестови, што е 32%.

Во гостиварскиот регион, што ги опфаќа општините Гостивар, Врапчиште и Маврово и Ростуше потврдени се 31 новозаразен. Смртни случаи не се евидентирани, а како оздравени наведени се 22 пациенти.

Најмногу од новозаболените и денес се од регион на Скопје – 585, а високи бројки се бележат и во Прилеп- 60, Битола-59, Штип-58, Куманово и Велес по 56…Починале вкупно 29 пациенти. Оздравени се 722.

Како што претходно информиравме, состојбата со коронавирусот во гостиварско добива сериозни размери. Болничките капацитети се пополнуваат со пациенти и секојдневно се бележат високи бројки на нови случаи.