Во сабота ММА спектакл во Гостивар

Гостивар на 23 ноември ќе биде домаќин на првиот ММА турнир, во организација на ММА Протектор од Гостивар и Волвс Арена од Кичево. ММА всушност значи Мешани боречки вештини, моментално најатрактивниот боречки спорт во светот.

Публиката во Гостивар ќе има можност да проследи дуели помеѓу спортисти од Македонија, Србија, Хрватска, Албанија, Босна и Херцеговина, Косово и Бугарија, борци меѓу кои се најдоа и гостиварците: Филип Стефановски, Томислав Белиќ, Арбин Селмани, Љубомир Андреевски, Даниел Николовски и Адо Лимани. Ова е прв турнир во Македонија, кој е поддржан од Светската ММА – WMO организација.

На спектаклот во спортската сала Младост ќе има 10 професионални и 5 воведни аматерски борби. Мечевите ќе ги судат пет меѓународни судии од WMO Европската и Светски призната организација за ММА.

Вратите во Младост ќе бидат отворено од 17, борбите започнуваат од 18 часот.