Во сите гостиварски средни училишта има слободни места за прием на ученици во прва година

По првото пријавување од уписите во средно образование во јунскиот рок, останати се слободни места во сите четири јавни средни училишта во Гостивар. Полуматурантите кои не се одлучија или пак успејаа да се запишат од прва, втора шанса добиваат на 28 јуни, кога ќе се спроведе второто јунско пријавување.

При пријавувањето, учениците треба да ги поднесат следните документи:
– пријава за запишување (пријавата за запишување ученикот ја подигнува од училиштето во кое ученикот сака да се запише и истата е бесплатна);
– оригинални свидетелства од VI до IX одделение;
– дипломи, (доколку имаат) од освоени (I, II и III) места од меѓународни и државни натпревари од (мајчин јазик, странски јазик и наставни предмети што се од значење за струката односно изборното подрачје);
– извод од матичната книга на родените (без оглед на датумот на издавањето)